Աստվածաշնչյան ջրհեղեղ` Ավստրալիայից

Արդեն մի քանի օր ջրի ճիրաններում հայտնված Ավստրալիան այսօր պատրաստվում է ամենավատ օրվան: Հիմա էլ երկրիմեծությամբ երրորդ քաղաքը համարվող Բրիսբանեն է հայտնվել ջրհեղեղի թիրախում: Ջրհեղեղի հետեւանքով արդեն զոհվել է 14 հոգի, իսկ 90-ը համարվում են անհայտ կորած: Ավստրալացիները սպասում են, որ երեկոյան ջրի մակարդակն էլ ավելի կբարձրանա:

Քաղաքում 30 հազար տուն արդեն դատարկվել է, հազարավոր բնակիչներ տարհանվել են, անջատվել է էլեկտաէներգիան: Պաշտոնական աղբյուրները տեղեկացում են, որ շուրջ 20 հազար շինություն ամբողջությամբ ջրի տակ են մնացել, եւս 12 հազարը այլեւս օգտագործման ենթական չէ:

Ենթադրվում է, որ վաղը առավոտյան ջրի մակարդակը 5 մետրից ավելիի կհասնի: