Ամանորյա բարեմաղթանք. Խոդորկովսկուց` Պուտինին

Միխայիլ Խոդորկովկսկին հոդված է գրել «Նեզավիսիմայա գազետա»-ի համար, որտեղ մեկնաբանում է վարչապետ Վլ.Պուտինի «ուղիղ գիծը», տեղեկացնում է Lenta.ru-ն:

ЮКОС-ի նախկին ղեկավարը բացասական կարծիք է հայտնում Պուտինի օրոք կառուցված իշխանության ուղղահայացի մասին` օրինակ բերելով Կուշչեւսկի զանգվածային սպանությունն ու Գուս-Խրուստալնիի վերջին իրադարձությունները:

Հեղինակը նշում է, որ Պուտինը, փաստորեն, չի պատասխանել ազգային հողի վրա տեղի ունեցած բախումներին վերաբերող հարցին. Խոդորկովսկին ինքը դրանք համարում է պուտինյան «կայունության» հետեւանքներից մեկը: Հոդվածագրի կարծիքով` իրական ողբերգությունն այն է, որ այսօրվա դեռահասները, ովքեր մեծացել են Պուտինի նախագահության տարիներին, հեռանկարներ չեն տեսնում եւ իրենց «երամից դուրս» են զգում: Մարդկանց հանդեպ անկեղծ սեր չտածող բազմաթիվ դեռահասներ այն փոխարինել են ֆուտբոլի նկատմամբ սիրով: Նա նաեւ նշում է, որ մարդկանց հանդեպ սիրո պակաս կա նաեւ իշխանությունների մեջ:

Հեղինակը գրում է, որ խղճում է վարչապետին. «Երեւում է` նա ի զորու չէ պոկվել իր իսկ ստեղծած հրեշավոր թիանավի ծանրացած թիակից, որն անհնար է բարձրացնել»:

Հոդվածի վերջում Խոդորկովսկին «բարիք ու համբերություն» է մաղթում Պուտինին: