ՀՀԿ պատգամավոր. Ալիևը փախուստի դիմեց

ԱԺ ՀՀԿ խմբակցության պատգամավոր Արտակ Դավթյանի համոզմամբ`այն սպասելիքներն ու ակնկալիքները, որ Հայաստանն ուներ ԵԱՀԿ Աստանայի գագաթնաժողովից, մեծամասամբ իրականություն են դարձել:

Անդրադառնալով Ադրբեջանի և Հայաստանի նախագահների չկայացած հանդիպմանը, ՀՀԿ-ական պատգամավորն ասաց.«Սա առաջին դեպքը չէր, երբ բարդ և ոչ ի նպաստ Ադրբեջանի իրավիճակներում Ադրբեջանի նախագահը փախուստի է դիմում: Դա նաև ինչ – որ տեղ բնավորության գիծ է»:Արտակ Դավթյանն Ադրբեջանի նախագահի պահվածքը «գյադայական» որակեց:

«Ժառանգություն»-ից Հովսեփ Խուրշուդյանը, սակայն, կարծում է, որ թեև Աստանայում առաջընթաց չկա, չկա նաև հետընթաց:«Այսպիսի հանդիպումներից և փաստաթղթերից, հիմնականում բացասական սպասումներ են լինում, և եթե հերթական փաստաթղթում որևէ բացասական դրույթ չի լինում, ետ քայլ չի արձանագրվում, դա արդեն դրական է դիտարկվում»,- ասաց նա: