ՌԴ ԶՈւ-ն Ուկրաինայում հարվածներ է հասցրել նավերի, լոգիստիկ կենտրոնների, էներգաօբյեկտների

Ռուսաստանի ԶՈւ-ն հարվածներ է հասցրել Ուկրաինայում ծովային նավերի, լոգիստիկ կենտրոնների և էներգետիկ օբյեկտների ուղղությամբ։ Այս մասին հայտնում է ՌԴ ՊՆ-ն:

«Այսօր ցերեկը ՌԴ Զինված ուժերը շարունակել են անօդաչու թռչող սարքերով հարվածներ հասցնել լոգիստիկ կենտրոններին, էներգետիկ ենթակառուցվածքի օբյեկտներին, ինչպես նաև նավերին, որոնք ներգրավված են դեպի Ուկրաինա ռազմական բեռների տեղափոխման գործընթացում»,-ասվում է հաղորդագրության մեջ:

Նշվում է, որ հարվածի հետևանքով խոցվել են.

Խարկովում լոգիստիկ կենտրոն, որի տարածքում կազմակերպված էր Ուկրաինայի ԶՈւ-ի ապահովման համար նախատեսված ռազմական և երկակի նշանակության բեռների պահեստավորումը,

«Լուցկ-Սևերնայա» 330 կՎ ենթակայանը Լուցկում և 330 կՎ ենթակայանը Վոլինի մարզի Կովել քաղաքում, որոնք ապահովում են անօդաչու թռչող սարքեր և դրանց բաղադրիչներ արտադրող ռազմական արդյունաբերության ձեռնարկությունների, ինչպես նաև ռազմական գույքի պահպանման համար օգտագործվող լոգիստիկ կենտրոնների գործունեությունը: