ԵԱՏՄ-ԱՊՀ․ համագործակցություն սպառողների անվտանգության ապահովման ոլորտում

Եվրասիական տնտեսական հանձնաժողովի (ԵՏՀ) ներկայացուցիչները մասնակցել են Անկախ Պետությունների Համագործակցության (ԱՊՀ) անդամ երկրների սպառողների իրավունքների պաշտպանության խորհրդատվական խորհրդի նիստին։

ԵՏՀ սանիտարական, բուսասանիտարական և անասնաբուժական միջոցների վարչության տնօրեն Վլադիմիր Սինկևիչը ներկայացրել է Միության շրջանակում իրականացված աշխատանքների արդյունքները։

Նրա խոսքով՝ աշխատանքների հիմնական և ամենածավալուն ուղղություններից մեկը տեղեկատվական գործունեությունն է։ Վերջին երեք տարվա ընթացքում ԵԱՏՄ անդամ բոլոր երկրներում անցկացվել է 194 հազար միջոցառում՝ դասախոսություններ, սեմինարներ և թեժ գծերի աշխատանքներ, որոնք ընդգրկել են ավելի քան 156 միլիոն մարդու։

ԵՏՀ-ի գնահատմամբ՝ իրականացված աշխատանքները նպաստել են հանրային վստահության ամրապնդմանը․ սպառողներն ավելի լավ են տեղեկացված դարձել իրենց իրավունքների և դրանց պաշտպանության մեխանիզմների մասին։

Հանձնաժողովի տվյալներով՝ սպառողների վստահությունը սեփական իրավունքների պաշտպանության համակարգի նկատմամբ հասել է 60 տոկոսի։ ԵՏՀ-ում սա համարում են ստեղծված մեխանիզմների արդյունավետության և իրականացված աշխատանքի արդյունք։