Եթե Երևանը հետաքրքրված չէ ռուսական ռազմաբազայով, ապա այն չի լինի ՀՀ-ում․ Պուտին

Ռուսաստանի ռազմական բազան Գյումրիում վաղը չի լինի Հայաստանում, եթե Երևանը շահագրգռված չէ դրա ներկայությամբ, երեքշաբթի օրը Բիշքեկում լրագրողների հետ զրույցում հայտարարել է Ռուսաստանի նախագահ Վլադիմիր Պուտինը, գրում է РИА Новости-ն։

Պուտինը նախօրեին ժամանել էր Ղրղզստան, որտեղ մասնակցել է Շանհայի համագործակցության կազմակերպության (ՇՀԿ) գագաթնաժողովին, ինչպես նաև անցկացրել է մի շարք երկկողմ հանդիպումներ։

«Եթե Հայաստանը համարում է, որ ռուսական բազան (Գյումրիում՝ խմբ.) Հայաստանին պետք չէ, մենք նույնիսկ վաղը կհեռանանք։ Բայց Հայաստա՞նն է դրան պատրաստ։ Խնդրեմ, մենք ոչ մեկին ոչինչ պարտադրել չենք պատրաստվում։ Իսկ եթե հայ ժողովուրդը ցանկանում է, որ այնտեղ լինի ինչ-որ ռուսական ռազմական ներկայություն իր կողքին, ապա մենք կմնանք, կաշխատենք և կհամագործակցենք», - ասել է Պուտինը։