«Հայրենակիցների վերադարձի ծրագրի» շրջանակում 2025 թ. ՀՀ 3.9 հազար քաղաքացի դիմել է մասնակցության համար

Պ.գ.թ., դոցենտ Միքայել Մալխասյանը գրում է․

«Ռուսաստանի Դաշնության ներքին գործերի նախարարության տվյալների համաձայն «Հայրենակիցների վերադարձի ծրագրի» շրջանակում 2025 թ. ՀՀ 3.9 հազար քաղաքացիներ դիմել են մասնակցության համար, և նրանցից 2 հազարը հաջողությամբ հաղթահարել են ռուսերեն քննության և փաստաթղթաբանության պահանջներն ու ստացել ծրագրի մասնակցի վկայագիր։

Այս ցուցանիշներով Հայաստանը հինգերորդ տեղում է զիջելով Ղազախստանին, Ղրղզստանին, Ուզբեկստանին և Թուրքմենստանին, իսկ փաստացի տեղափոխվածների թվաքանակով` նաև Տաջիկստանին։ Միայն Ղազախստանի ցուցանիշն է գերազանցել 10 հազարը։

Ծրագրից օգտվողների վերաբնակման հիմնական ուղղություններն են Տուլայի, Չելյաբինսկի և Կալուգայի մարզերը»։