Իսրայելը անհանգստանում է F-35-ի հարցով ԱՄՆ-ի և Թուրքիայի հնարավոր գործարքից

Իսրայելին մտահոգում է այն հնարավորությունը, որ ԱՄՆ նախագահ Դոնալդ Թրամփը հուլիսի 7-8-ը Անկարայում ՆԱՏՕ-ի գագաթնաժողովից հետո կարող է հավանություն տալ Թուրքիային Lockheed Martin F-35 Lightning II կործանիչների մատակարարմանը: Այս մասին, ինչպես հաղորդում է ՌԻԱ Նովոստին, գրում է «Euractiv» պարբերականը։

Ավելի վաղ Թրամփը, պատասխանելով Թուրքիային F-35 կործանիչների հնարավոր մատակարարման մասին հարցին, հայտարարել էր, որ կարող է ուրախացնել Անկարային ՆԱՏՕ-ի գագաթնաժողովին իր այցի ժամանակ:

Ինչպես հաղորդում է պարբերականը՝ վկայակոչելով անվտանգության ոլորտում իսրայելական աղբյուրներին, F-35-ի մի շարք առանցքային բաղադրիչներ արտադրվում կամ մշակվում են իսրայելական ընկերությունների կողմից: Մասնավորապես, խոսքը թևի արտաքին տարրերի և օդաչուի սաղավարտին ներկառուցված ցուցման համակարգի մասին է, որը ստեղծվել է «Elbit Systems» ընկերության կողմից: «Euractiv»-ի աղբյուրների խոսքով՝ Իսրայելում խիստ բացասաբար կընդունվի թուրքական կործանիչների կազմում այդ տեխնոլոգիաների հայտնվելու հնարավորությունը։