Միքայել Սրբազանի պաշտպանը դատավոր Արմինե Մելիքսեթյանին բացարկ հայտնելու միջնորդություն ներկայացրեց

Երևան քաղաքի առաջին ատյանի ընդհանուր իրավասության քրեական դատարանի Ավանի նստավայրում ընթանում է Շիրակի թեմի առաջնորդ Միքայել արքեպիսկոպոս Աջապահյանի գործով դատական նիստը։

Հիշեցնենք՝ նախորդ նիստին նրա կալանքը երկարաձգվեց մեկ ամսով: Միքայել արքեպիսկոպոս Աջապահյանին մեղադրանք է առաջադրվել «այն բանի համար, որ նա օգտագործելով զանգվածային լրատվության միջոցները, տեղեկատվական ու հաղորդակցական տեխնոլոգիաները՝ նախ՝ 2024 թվականի փետրվարի 3-ին, ապա նաև՝ 2025 թվականի հունիսի 21-ին տրված հարցազրույցների ընթացքում հնչեցրել է իշխանությունը զավթելուն ուղղված հրապարակային կոչեր»։

Դատական նիստի ժամանակ Միքայել Սրբազանի պաշտպան Արա Զոհրաբյանը դատավոր Արմեինե Մելիքսեթյանին բացարկ հայտնելու միջնորդություն ներկայացրեց, ինչը սակայն դատարանը մերժեց։