կարևոր
1594 դիտում, 6 ժամ առաջ - 2025-07-28 16:23
Հասարակություն

Հանդիպում Իսպանիայի վարչապետ Պեդրո Սանչեսի հետ

Հանդիպում Իսպանիայի վարչապետ Պեդրո Սանչեսի հետ

Օրերս Ուրուգվայի մայրաքաղաք Մոնտեվիդեոյում տեղի է ունեցել հանդիպում՝ Ընկերվար միջազգայնականում (Սոցինտերն) Հայ Յեղափոխական Դաշնակցության ներկայացուցիչ, Սոցինտերնի փոխնախագահ Մարիո Նալբանդյանի և աշտոնական այցով Ուրուգվայում գտնվող Սոցինտերնի նախագահ, Իսպանիայի վարչապետ Պեդրո Սանչեսի միջև։

Հանդիպման ընթացքում քննարկվել են ՀՀ-ում ընթացող ներքաղաքական զարգացումները, տարածաշրջանային անվտանգության խնդիրները, ինչպես նաև Ադրբեջանի կողմից պատանդառված հայ գերիների իրավունքների պաշտպանությանը և Արցախի ժողովրդի՝ հայրենիք վերադարձի իրավունքին առնչվող հարցեր։

Մարիո Նալբանդյանը Իսպանիայի վարչապետին է փոխանցել ՀՅԴ Բյուրոյի ներկայացուցիչ Արմեն Ռուստամյանի` Հայաստանում ժողովրդավարության նահանջի և հաստատված ավտորիտար կառավարման վերաբերյալ  նամակն ու կից տեղեկանքը։

ՀՅԴ Բյուրոյի Հայ դատի կենտրոնական գրասենյակ
28 հուլիս, 2025 թ.