Լուկաշենկոյի երդմնակալության արարողությունը տեղի կունենա մարտի 25-ին

Բելառուսի նախագահ Ալեքսանդր Լուկաշենկոյի երդմնակալության արարողությունը տեղի կունենա մարտի 25-ին, հայտնում է BelTA-ն՝ հղում անելով Բելառուսի Կենտրոնական ընտրական հանձնաժողովի տեղեկատվությանը։

Բելառուսի Սահմանադրության համաձայն՝ Նախագահի երդումը տեղի է ունենում հանդիսավոր արարողությամբ՝ Համաբելառուսական ժողովրդական ժողովի նախագահության անդամների, Ներկայացուցիչների պալատի պատգամավորների և Հանրապետության խորհրդի անդամների, Սահմանադրական և Գերագույն դատարանների դատավորների ներկայությամբ նախագահի ընտրության օրվանից ոչ ուշ, քան երկու ամիս:

Հիշեցնենք՝ նախագահական ընտրությունները տեղի են ունեցել հունվարի 26-ին։ Կենտրոնական ընտրական հանձնաժողովը հայտնել է, որ երկրի գործող ղեկավարը ստացել է ձայների 86,82%-ը՝ 85,6% մասնակցությամբ։