Պուտինը պատասխանել է Մակրոնին և հիշել Նապոլեոնին

Աշխարհում կան մարդիկ, ովքեր ցանկանում են վերադառնալ Նապոլեոնի արշավանքի ժամանակները, մինչդեռ մոռանում են՝ ինչով ավարտվեց այդ պատմական իրադարձությունը, հայտարարել է ՌԴ նախագահ Վլադիմիր Պուտինը։

«Դեռևս կան մարդիկ, ովքեր ցանկանում են վերադառնալ Նապոլեոնի ժամանակները՝ մոռանալով, թե ինչպես այն ավարտվեց», -ըստ РИА Новости-ի՝ շեշտել է Պուտինը:

Ֆրանսիայի նախագահ Էմանուել Մակրոնը մարտի 5-ին հայտարարել է, որ Ռուսաստանը սպառնալիք է դարձել Ֆրանսիայի և Եվրոպայի համար՝ կոչ անելով քննարկել Ֆրանսիայի միջուկային զենքի կիրառումը ամբողջ ԵՄ-ի պաշտպանության համար՝ նշելով, որ Միացյալ Նահանգները փոխել է իր դիրքորոշումն Ուկրաինայի և ՆԱՏՕ-ում Վաշինգտոնի առաջատար դերի վերաբերյալ։ ՌԴ նախագահի մամուլի քարտուղար Դմիտրի Պեսկովը Ռուսաստանի մասին Մակրոնի հայտարարությունը ծայրահեղ առճակատում է անվանել։