Կարինի (Էրզրում) պատմական հուշարձանները գոմի են վերածվել

Կարինում (թուրք․ պաշտոնական անվանումը՝ Էրզրում) վերականգնված Օլթուի ռուսական եկեղեցում անասուններ են արածում։ Թեև 3,2 միլիոն լիրա է ծախսվել եկեղեցու վերանորոգման համար, սակայն կառույցն այդպես էլ չի բացվել զբոսաշրջիկների առաջ։

Այդ մասին, ըստ Akunq.net-ի, հաղորդում է Artigercek լրատվական կայքը։

Աղբյուրը հիշեցնում է, որ Թուրքիայի Տնտեսական համագործակցության կազմակերպությունը Էրզրումը հռչակել է 2025 թ․ զբոսաշրջության մայրաքաղաք։ Սակայն վերջերս այստեղ վերանորոգված Օլթուի ռուսական եկեղեցին և Ազիզիյեի ամրոցային համակարգը վերածվել են գոմի, որտեղ հաճախ են արածում անասունները։

2017 թ․ միլիոնավոր լիրաներով վերականգնված և նախկին տեսքն ստացած ռուսական եկեղեցին մատնվել է ճակատագրի քմահաճույքին։ Քանի որ եկեղեցին չի վերաբացվել, գյուղացիներն իրենց անասուններին արածացնում են եկեղեցու տարածքում։

https://artigercek.com/guncel/erzurumda-tarihi-eserler-buyukbas-hayvanlarin-baglandigi-mekanlara-donustu-312359h

Թարգմանեց Մելինե Անումյանը

Akunq.net