Դեռ 2021-ին Սրբազանն ինձ ասաց, եթե տարածքներ տվեց, Տավուշից ոտքով գալու եմ Երևան ու Երևանում է լուծվելու էս խնդիրը․ Արթուր Սարգսյան

Սիսիանի նախկին քաղաքապետ, ԱԺ «Հայաստան» խմբակցության պատգամավոր Արթուր Սարգսյանը Սիսիանում քաղաքացիների հետ հանդիպման ժամանակ մի պատմություն պատմեց, որը, իր խոսքով, նախկինում ոչ մի տեղ չի պատմել:

«2021 թվականին, երբ կալանքից դուրս եմ գալիս, Բագրատ Սրբազանը զանգում, ասում է` արի Հաղարծին, օրհնություն ստացիր: Գնում եմ Հաղարծին 2021-ի դեկտեմբերի 15-ին, օրհնությունս ստանում եմ, նստում զրուցում ենք: Սրբազանին ասում եմ` բա ի՞նչ ենք անելու, այս չարիքից ո՞նց ենք ազատվելու, ասում ա` Արթուր ջան, ես քաղաքական գորիծիչ չեմ, դուք պիտի կազմակերպեք, ես էլ` որպես Սրբազան Հայր, ինձանից ինչ կախված է, կանեմ («Դիմադրություն» շարժման ժամանակ էլ նա մի քանի անգամ եկավ, իր աջակցությունը հայտնեց):

Հետո ասաց` բայց մի օր, երբ այս մարդու որդին փորձի Տավուշի հողերը կիսի, անկլավներ տա, ես այդ ժամանակ` որպես Տավուշի թեմի առաջնորդ, գնալու եմ առաջնագիծ, եթե կռիվ եղավ, զենքս եմ վերցնելու, որ էս հարցը լուծեմ: Ասաց` իսկ եթե չլուծվեց, ես քայլելով Տավուշից գալու եմ Երևան, այդ հարցը Երևանում կարող է լուծվել։  Այդ պահին ես տեղից վեր կացա, գրկեցի Սրբազանին ու ասացի` երբ այդ օրը գա, աշխարհի որ ծայրում ու ծակում էլ լինեմ, գալու եմ, քո կողքին կանգնեմ: Եվ ապրիլին 21-ին Սրբազան հայրը զանգում, ասում է` օրը եկել է, արի»:

Մանրամասն` տեսանյութում: