կարևոր
2302 դիտում, 3 շաբաթ առաջ - 2024-05-28 15:57
Աշխարհ

Իսպանիան պաշտոնապես ճանաչեց Պաղեստինը որպես պետություն

Իսպանիան պաշտոնապես ճանաչեց Պաղեստինը որպես պետություն

Իսպանիայի կառավարությունը պաշտոնապես ճանաչեց Պաղեստինը որպես պետություն։ Այս մասին մամուլի ասուլիսի ժամանակ հայտարարել է թագավորության արտաքին գործերի նախարար Խոսե Մանուել Ալբարեսը, փոխանցում է ТАСС-ը։

«Այսօր Նախարարների խորհրդի նիստում մենք որոշեցինք ճանաչել Պաղեստին պետությունը», - ասել է դիվանագետը։ Նա հավելել է, որ դա Մերձավոր Արևելքում խաղաղության հասնելու միակ ճանապարհն է։

Մինչ այս պահը ՄԱԿ-ի 193 երկրներից ավելի քան 140-ը ճանաչել են Պաղեստինի պետականությունը, այդ թվում՝ Ռուսաստանը:

Հիշեցնենք, որ Իռլանդիայի, Իսպանիայի և Նորվեգիայի իշխանությունները հայտարարել էին Պաղեստինի պետականությունը ճանաչելու որոշման մասին։ Իսրայելում Իռլանդիայի, Իսպանիայի և Նորվեգիայի դիվանագիտական ներկայացուցչությունների ղեկավարները կանչվել են հրեական պետության արտաքին գործերի նախարարություն, որտեղ նրանց նոտա են հղել։