կարևոր
3331 դիտում, 2 ամիս առաջ - 2024-05-08 15:02
Հասարակություն

Դրոնով նկարում են, թե բա՝ 50 մարդ է մասնակցում․ իրենք իրենց էլ են խաբում ու սկսում իրենց ստերին հավատալ․ Սրբազան

«Թե ԱԱԾ-ի, թե ՆԳՆ-ի տարբեր օղակներից բազմաթիվ ինֆորմացիաներ են գալիս, շնորհակալ եմ ժողովուրդ ջան, որ էդքան աջակցում եք»: Այս մասին, այսօր՝ մայիսի 8-ին, երթի ժամանակ լրագրողների հետ զրույցում նշեց Տավուշի թեմի առաջնորդ Բագրատ Սրբազանը:

«Շնորհակալ եմ, որ նաև կանխարգելիչ միջոցառումների մասին մեզ տեղեկացնում եք: Համապատասխան ժամին ես երևի թե կասեմ, թե ինչ են նախատեսել և տեղի կունենա դա, թե տեղի չի ունենա: Ես իսկապես շնորհակալ եմ բոլոր այն հայորդիներին, որոնք իսկապես ազգային անվտանգության ծառայության մեջ են, և նաև ՆԳՆ-ում գտնվող անձինք, ոստիկանության ներքին զորքերի մեջ գտնվող անձինք, ուղղակի ես հիացած եմ ձեր աշխատանքով: Շատ ապրեք, որ այդ տեղեկությունները, չեմ ասի րոպե առ րոպե, բայց կարևոր ժամերին փոխանցում եք: Դա շատ ընտիր է, նշանակում է, որ այն լույսը, այն հոգին տեսել եք այս մարդկանց մեջ, ձեր հարազատների մեջ: Գիտեմ՝ ինչ ճնշումներով եք անցնում: մենք շատ լավ տեղեկացված ենք ամեն ինչի մասին»,-ասաց նա: