Շարժումը Տավուշից ուղևորվում է Երևան․ պետք է պայքարել, շատ գործ կա անելու․ Քրիստինե Վարդանյան

«Հայաստան» խմբակցության պատգամավոր Քրիստինե Վարդանյանը գրում է․

«Ինձ համար շատ պարզ են ինչ անել, որտեղ լինել հարցերի պատասխանները:

Լինել այնտեղ, որտեղ պայքար կա, ամեն կերպ նպաստել այդ պայքարի հաջողությանը:

Նախորդ օրերին պայքարի օջախները Ոսկեպարը և Կիրանցն էին` պետք էր լինել այնտեղ, աջակցել մարդկանց:

Այսօր, այդ մարդկանց հակազդեցության շնորհիվ ձևավորված շարժումը Տավուշից ուղևորվում է Երևան: Ուրեմն պետք է օգնել այդ ընթացքին:

Մայիսի 9-ին շարժումը կհասնի Երևան ու էլի շատ գործ կլինի անելու: Պետք կլինի միանալ շարժմանը Երևանում:

Ամեն միավոր ժամանակում հսկայական գործ կա անելու մեր ընդհանուր նպատակի համար»։