կարևոր
2560 դիտում, 1 ամիս առաջ - 2024-04-11 23:29
Աշխարհ

ՌԴ-ում ահաբեկչություն է կանխվել

ՌԴ-ում ահաբեկչություն է կանխվել

Ապրիլի 11-ին ՌԴ ԱԴԾ-ն կանխել է ահաբեկչական խմբի գործունեություն, որն ահաբեկչություն էր ծրագրում Դոնեցկում Ռուսաստանի զինված ուժերի օբյեկտի վրա, հայտնում է ԱԴԾ կենտրոնական օպերատիվ կենտրոնը։ 

Նշվում է, որ ահաբեկչական խմբի կազմում ընդգրկված էր Կենտրոնական Ասիայի երկրներից մեկի վեց քաղաքացի, իսկ խմբավորման գործողությունների համակարգումն իրականացվել է Ուկրաինայի տարածքից։ 

Հանցագործությունը կատարելուց հետո խմբի անդամները ծրագրել էին մեկնել Թուրքիա, իսկ այնտեղից՝ Ուկրաինա։ Ահաբեկիչների բնակության վայրում հայտնաբերվել և առգրավվել են երկու պատրաստի ինքնաշեն պայթուցիկ սարքեր և ձեռքի նռնակներ։