Սուրեն Մանուկյանի կալանքը շարունակ երկարացնելը ոչ թե խափանման միջոց է, այլ վաղուց վերածվել է պատժի․ փաստաբան

Տավուշի մարզի առաջին ատյանի ընդհանուր իրավասության դատարանի Իջևան քաղաքի նստավայրում շարունակվում է  ՀՅԴ անդամ Սուրեն Մանուկյանի և մյուսների գործով դատական նիստը։ Նիստի ընթացքում Սուրեն Մանուկյանի պաշտպան Սերգեյ Ոսկանյանը  նշեց․ «Սույն գործով թվով երրորդ նախագահող դատավորից ակնկալում ենք և խնդրում ենք՝ օրենքի տրամաբանության մեջ տեղավորվող որոշումներ և դատավարություն»։

Փաստաբանը նաև նշեց, որ առանց հիմնավոր փաստարկի խնդրել դատարանից, որպեսզի  Սուրեն Մանուկյանի կալանքի ժամկետը երկարացվի, իրավաչափ չէ։

«Սուրեն Մանուկյանի կալանքը շարունակ երկարացնելը ոչ թե խափանման միջոց է, այլ վաղուց վերածվել է պատժի»,-ասաց Սերգեյ Ոսկանյանը։

Հիշեցնենք` օգոստոսի 12-ին Սուրեն Մանուկյանին մեղադրանք էր առաջադրվել քրեական օրնսգրքի 191 հոդվածի 2-րդ մասի 5-րդ կետով, այն է` անձի առևանգումը, որը կատարվել է խմբի կողմից:

Մանրամասն՝ տեսանյութում։