Լավրովն ու Ֆիդանը Նյու Յորքում քննարկել են նաև իրավիճակն Անդրկովկասում

Հունվարի 22-ին Նյու Յորքում տեղի է ունեցել Ռուսաստանի Դաշնության արտաքին գործերի նախարար Սերգեյ Լավրովի և Թուրքիայի Հանրապետության արտաքին գործերի նախարար Հաքան Ֆիդանի հանդիպումը։

Ռուսաստանի արտգործնախարարության փոխանցմամբ, Լավրովն ու Ֆիդանը մանրամասն քննարկել են երկկողմ առևտրատնտեսական համագործակցության արդի խնդիրները, անդրադարձել էներգետիկ ոլորտում ռուս-թուրքական առանցքային նախագծերի իրականացմանը։

Տեղի է ունեցել մտքերի փոխանակում մի շարք միջազգային թեմաների շուրջ։ Անդրադառնալով միջազգային օրակարգին՝ երկու երկրների արտգործնախարարները կարևորել են Մոսկվայի և Անկարայի քայլերի համակարգումը՝ ի շահ տարածաշրջանային սուր խնդիրների փոխընդունելի լուծում գտնելուն, մասնավորապես, Գազայի հատվածում, Սիրիայում, Մերձավոր Արևելքում և առհասարակ նաև Սև ծովի գոտում, ինչպես նաև Անդրկովկասում։