կարևոր
1126 դիտում, 3 ամիս առաջ - 2023-11-24 12:27
Քաղաքական

Ներկա կառավարությունը լեգիտիմ չէ և պետք է հրաժարական տա․ Ավետիք Չալաբյան

Վերջին տարիներին մենք իրականում ապրում ենք  քաոսի և իրավական ամենաթողության պայմաններում: Այս մասին այսօր՝ նոյեմբերի 24-ին, ԱԺ-ում լսումների ժամանակ ասաց «Հայաքվե» նախաձեռնության համակարգող Ավետիք Չալաբյանը։

Նրա խոսքով, իշխող  վարչախումբը, որը, ցավոք, այսօր  ներկայացված չէ այս դահլիճում, թեև առերևույթ իշխանության է ժողովրդավարական ճանապարհով, սակայն իր գործողություններով շարունակաբար  այդ ժողովրդավարության բուն հիմքերն է ոտնահարում. «Կլինի դա իշխանության տարանջատման, դատական համակարգի անկախության, մարդու իրավունքների պաշտպանության, թե նմանատիպ այլ հարցերում, ամենուր  գործող իշխանությունը փորձում է վեր դասել իրեն սահմանադրությունից և օրենքներից և իր կամքը պարտադրել մեր պետությանն ու քաղաքացիներին, ըստ էության, իրեն փոխարինելով պետության հետ։

Հիշեցնենք, որ «Հայաքվե» նախաձեռնությունը առաջարկել է  Հայաստանի ՔՕ օրենսգրքում լրացումների նախագիծ, ըստ որի քրեորեն պատժելի  արարքներ են որակվում Հայոց ցեղասպանության միջազգային ճանաչումից հրաժարվելը կամ դրա վտանգավորությունը նսեմացնելը ու ՀՀ անունից Արցախն այլ պետության կազմում ճանաչելը։