կարևոր
3844 դիտում, 6 ամիս առաջ - 2023-10-09 18:31
Աշխարհ Հասարակություն

Բաքվի դատարանը չի բավարարել Ռուբեն Վարդանյանի բողոքը. նա կմնա կալանքի տակ

Բաքվի դատարանը չի բավարարել Ռուբեն Վարդանյանի բողոքը. նա կմնա կալանքի տակ

Բաքվի վերաքննիչ դատարանը չի բավարարել Ռուբեն Վարդանյանի բողոքը, և նա կշարունակի մնալ կալանքի տակ։ Ինչպես հայտնում է Trend գործակալությունը, Ռուբեն Վարդանյանի փաստաբան Աֆեթ Գազիևան բողոքարկել է Վարդանյանի խափանման միջոցը կալանք ընտրելու վերաբերյալ դատարանի որոշումը։

Բողոքը քննարկել է Բաքվի վերաքննիչ դատարանը՝ դատավոր Գաբիլ Մամեդովի նախագահությամբ։

Դատարանը չի բավարարել բողոքը՝ հիմնավորված համարելով առաջին ատյանի դատարանի որոշումը։

Հիշեցնենք, որ Ռուբեն Վարդանյանը Ադրբեջանի կողմից առևանգվել է Լաչինի անցակետով Հայաստան տեղափոխվելու ընթացքում սեպտեմբերի 27-ին։ Նրան Բաքուն կեղծ մեղադրանքների շարք է ներկայացրել, առաջին հերթին՝ իբր «ահաբեկչություն ֆինանսավորելու» համար։ Ռուբեն Վարդանյանի նկատմամբ խափանման միջոց է ընտրվել կալանավորումը՝ 4 ամիս ժամկետով։