Այսպիսի հայտարարություն ՀՀ ներկա ԱԺ-ում անցկացնելը պարզապես անհնար կլիներ․ Վարդանյան

ՀՅԴ անդամ, ՀՀ ԱԺ «Հայաստան» խմբակցության պատգամավոր Քրիստինե Վարդանյանը գրում է.

«Նիդերլանդների խորհրդարանի գրեթե ամբողջ կազմը հրատապ հարցերով դիմել է Նիդերլանդների ԱԳՆ-ին և վարչապետին՝ Ցեղասպանության կանխարգելման կոնվենցիայով ստանձնած պարտավորություններին համապատասխան միջոցներ ձեռնարկելու համար՝ կանխելու Լեռնային Ղարաբաղում շարունակվող հայերի ցեղասպանությունը»։

Այսպիսի հայտարարություն ՀՀ ներկա ԱԺ-ում անցկացնելը պարզապես անհնար կլիներ։ Դրան դեմ կքվերակեր իշխող մեծամասնությունը, ինչպես դեմ է քվերակել Շուշիի հռչակագիրը դատապարտող, Լաչինի միջանցի շրջափակման վերաբերյալ հայտարարությունների ընդունմանը։

Միայն պատկերացրեք՝ Նիդերլանդների ԱԺ-ն իրենց վարչապետին ասում է՝ դու պարտավոր ես կոնկրետ քայլեր ձեռնարկել, որովհետև միջազգային կոնվենցիայով պարտավորություններ ես ստանձնել, ՀՀ ԱԺ մեծամասնությունը և Նիկոլ Փաշինյանն ասում են, որ Արցախյան ճգնաժամն իրենց գործը չէ և իրենք որևէ կոնկրետ անելիք չունեն։

Թշնամական օկուպացիան պոզով-պոչով չի լինում։