կարևոր
4207 դիտում, 1 տարի առաջ - 2023-06-09 19:53
Աշխարհ

Տոյվո Կլաարը Բաքվում է. ինչ է քննարկել նա Բայրամովի հետ

Տոյվո Կլաարը Բաքվում է. ինչ է քննարկել նա Բայրամովի հետ

ԵՄ հատուկ ներկայացուցիչ Տոյվո Կլաարը Երևանից հետո մեկնել է Բաքու։

Ադրբեջանի արտգործնախարար Ջեյհուն Բայրամովի հետ նա մտքեր է փոխանակել հայ-ադրբեջանական հարաբերությունների կարգավորման գործընթացի շուրջ՝ հաղորդում է Ադրբեջանի ԱԳՆ մամուլի ծառայությունը։

Ադրբեջանական գերատեսչության հաղորդագրության մեջ նշվել է, որ հանդիպման ընթացքում Բայրամովը խոսել է խաղաղ համաձայնագրի վերաբերյալ ադրբեջանական կողմի դիրքորոշման, պարտավորությունների համաձայն տրանսպորտային հաղորդակցությունների ապաշրջափակման, ինչպես նաև սահմանների սահմանազատման մասին։

«Կլաարն ասել է, որ ԵՄ-ն աջակցում է Ադրբեջանի և Հայաստանի միջև հարաբերությունների կարգավորման գործընթացին, ասել է, որ ապագայում ջանք չի խնայի այս ուղղությամբ երկու երկրների քաղաքական ղեկավարության շփումները շարունակելու համար», - նշվում է հաղորդագրության մեջ։