Բաքվի բռնապետական վարչախումբն աննախադեպ բռնաճնշումներ է սկսել արհեստածին Ադրբեջանում շիա հավատացյալների և ազգությամբ թալիշ ու թաթ գործիչների նկատմամբ. Ոսկանյան

Բաքվի բռնապետական վարչախումբն աննախադեպ բռնաճնշումներ է սկսել արհեստածին Ադրբեջանում շիա հավատացյալների և ազգությամբ թալիշ ու թաթ գործիչների նկատմամբ։ Այս մասին իր տելեգրամյան ալիքում գրել է իրանագետ Վարդան Ոսկանյանը:

«Միայն անցյալ շաբաթ օրը Թալիշստանի մայրաքաղաք Լենքորանում, Ապշերոնի թաթաբնակ Խրդալան և Ֆաթմայի ավաններում Իրանի օգտին, իբր, լրտեսության շինծու մեղադրանքներով ձերբակալվել են 8 անձինք, որոնց մեջ կա նաև հոգևորական։

Չնայած Բաքվի բարբարոսական վարչախմբի քարոզչամեքենան փորձում է թաքցնել այն աճող դժգոհությունը, որն առկա է բնակչության մեջ հենց տեղերում հեղինակություն վայելող այս անձանց ձերբակալությունների պատճառով, այսուհանդերձ սոցցանցեր է սպրդում այդ մասին որոշ տեղեկատվություն»,-գրում է Ոսկանյանը: