Ադրբեջանական հատուկ ծառայությունները կոտրել են թալիշ գործիչների սոցցանցերի էջերը՝ հայերի և թալիշների միջև թշնամություն հրահրելու համար

Ադրբեջանի պետական անվտանգության ծառայությունները երեկ կիբերհարձակման են ենթարկել Թալիշստանի և թալիշ քաղաքական գործիչների ու ակտիվիստների մեդիառեսուրսները։ Այս մասին Infoteka24.ru-ի հետ զրույցում նշել է թալիշ ակտիվիստ Զաբիլ Մահերամովը։

Ադրբեջանական հատուկ ծառայությունները կոտրել են թալիշ առաջնորդների սոցցանցերի էջերը՝ կեղծ ինֆորմացիա և կոչեր տարածելու համար, որոնց նպատակը հայ և թալիշ ժողովուրդների հարաբերությունների մեջ սեպ խրելն է։  Մասնավորապես կոտրվել է ֆեյսբուքյան և յութուբյան էջերը, որոնցում տեղ էին գտել մեծ դիտելություն ունեցող տեսանյութեր, որոնք, ցավոք, անվերադարձ ջնջվել են։

«Ազատ Թալիշստանի ինֆորմացիոն գործակալության» համաձայն՝ այս ստոր գործողությունները պայմանավորված են երկրում ներքաղաքական անկայության, նավթի գների և կորոնավիրուսի անկառավարելի տարածման պայմաններում թալիշական ակտիվ հասարակական-քաղաքական գործունեությամբ։