Բանակը քանդել է Նիկոլի ու քո տեսակը. Շարմազանովը՝ Սասուն Միքայելյանին

ՀՀԿ ԳՄ անդամ Էդուարդ Շարմազանովն անդրադարձել է Սասուն Միքայելյանի՝ այսօր «Եռաբլուր» զինվորական պանթեոնում արած հայտարարություններին. 

«Սասուն, բա որ Վազգենից հետո բանակ չենք ունեցել, ինչու՞ էիր մինչև 2008-ի փետրվար Հանրապետական մնացել ու մանդատ ստանում նույն Հանրապետականի ցուցակով։

Դու չէի՞ր ՀՀԿ խորհրդի նիստերում ու ՀՀԿ համագումարում Սերժ Սարգսյանին առաջադրում ՀՀ նախագահի թեհնածու։

Բա դու, որպես «բանակի կարկառուն նվիրյալ», ինչո՞ւ էիր 1999-ից մինչև  2008 մնացել Սերժի ու ՀՀԿ-ի կողքը։

Բանակը քանդել է Նիկոլի ու քո տեսակը, Սասուն։
Այդ տեսակը ոչ կուսակցություն ունի, ոչ՝ առաջնորդ,ոչ՝ սկզբունք։
Այդ տեսակը «ելել է շալակն աշխարհի»։

Բայց Հայկը հաղթելու է ոսոխ բելին, Սասուն, չկասկածես»: