կարևոր
3316 դիտում, 1 տարի առաջ - 2022-11-05 13:11
Աշխարհ

Կոստրոմայի սրճարանում բռնկված հրդեհի հետևանքով 15 մարդ է զոհվել

Կոստրոմայի սրճարանում բռնկված հրդեհի հետևանքով 15 մարդ է զոհվել

ՌԴ Կոստրոմա քաղաքի «Պոլիգոն» սրճարանում խոշոր հրդեհ է բռնկվել, տարհանվել է շուրջ 250 մարդ, կան զոհեր ու տուժածներ։

«Ժամը 02.37-ին հաղորդում է ստացվել Կոստրոմայի Նիկիցկայա փողոցում գտնվող «Պոլիգոն» սրճարանում հրդեհի բռնկման մասին։ Շենքից տարհանվել է 250 մարդ», - ասված է ՌԴ ԱԻՆ-ի մամուլի ծառայության հաղորդագրության մեջ։ Նշվում է, որ հրդեհը տարածվել է 3500 քմ տարածությունում։

Հրդեհաշիջման աշխատանքներին մասնակցել է 50 մարդ և 20 միավոր տեխնիկա։ Այս պահի դրությամբ կրակը տեղայնացվել ու մարվել է։

Ինչպես հաղորդում է Ինտերֆաքսը, վերջին տվյալներով՝ հրդեհի հետևանքով զոհվել է 15 մարդ։ Դեպքի առթիվ հարուցվել է քրեական գործ «Երկու կամ ավելի անձանց անզգուշությամբ մահ պատճառելու» հոդվածով։

Նախնական տվյալներով՝ հրդեհի պատճառ կարող էր դառնալ հրթիռանետ ատրճանակի կիրառումը։ Նշվում է, որ հրդեհի բռնկումից առաջ սրճարանում մասսայական ծեծկռտուք է տեղի ունեցել։ Դեպքի հանգամանքները դեռ պարզվում են։ 

Տեսանյութը՝ տելեգրամյան ալիքում։