Նշանակում է՝ ամեն ինչ չէ դեռ կորսված. Հրանտ Մելիք-Շահնազարյան

«Ոսկանապատ» վերլուծական կենտրոնի ղեկավար, քաղաքագետ Հրանտ Մելիք-Շահնազարյանը գրում է.

«Базовые принципы и параметры установления межгосударственных отношений между Арменией и Азербайджаном

Ահա, թե ինչպես է կոչվում հայ-ադրբեջանական հարաբերությունների կարգավորման՝ ռուսական կողմի մշակած փաստաթուղթը։ Ի՞նչ եք կարծում, Արցախի մասին գոնե մի բառ կա՞ այդ փաստաթղթում։ Մտածում եմ՝ ոչ։

Եվ դա գուցե վատ չէ։ Որովհետև այլընտրանքային փաստաթղթում գրված է, որ Արցախը պետք է լինի Ադրբեջանի կազմում։

Նիկոլը երկու փաստաթղթերին էլ համաձայնություն է տվել։ Ինքը դա չի թաքցնում։ Իր համար մեկ է՝ կա՞ Արցախ, թե չկա։ 

Բայց Արցախն, իհարկե, կա։ Որքան էլ Ալիևն ու Փաշինյանը փորձեն աչք փակել, օրինակ, նախօրեին Ստեփանակերտում կայացած հանրահավաքի և այնտեղից հնչած ուղերձների վրա, միևնույն է Արցախի ապագան մեր տարածաշրջանի ամենակարևոր խնդիրն է, որի հետ հնարավոր չէ հաշվի չնստել։ Հետևաբար, վաղ թե ուշ ինչ-որ մեկը ստիպված է լինելու զբաղվել այդ հարցով։

Նշանակում է՝ ամեն ինչ չէ դեռ կորսված։ Պետք է ուղղակի ժամ առաջ հեռացնել դավաճան կապիտուլյանտին ու վերջապես տեր կանգնել մեր ազգային շահերին։

Հոկտեմբերի 30-ին Ստեփանակերտում տեղի ունեցած հանրահավաքը ցույց տվեց Արցախի ահռելի ներուժը։ Հիմա հերթը Երևանինն է։ Կկարողանա՞նք միասնական լինել, ուրեմն ամեն ինչ լավ կլինի։ Ո՞չ, ապա ոչ։

Գրեթե վստահ եմ ասում՝ նոյեմբերի 5-ի հանրահավաքի կարևորությունն անգամ դրա կազմակերպիչները մինչև վերջ չեն գիտակցում։ Ոչ ոք չի գիտակցում։ Եվ դա հասկանալի է. որովհետև այդ հանրահավաքի կարևությունն անհնար է գերագնահատել»։