կարևոր
3493 դիտում, 1 տարի առաջ - 2022-09-28 15:47
Քաղաքական

Աշխարհը փոխվելու է, բայց Ռուսաստանը մնալու է մեր ռազմավարական գործընկերը. Ռոբերտ Քոչարյան

Մենք պետք է ճիշտ գնահատենք Ռուսաստանի հնարավորությունների սահմանը այս վիճակում, այն սահմանը, որտեղ իրենք սկսում են հակասել իրենց ազգային շահերին: Իրենք նաև Ադրբեջանին համարում են դաշնակցային պետություն ՌԴ-ի համար և ըստ  այդմ փորձում են կառուցել իրենց  քաղաքականությունը Ադրբեջանի հետ: Եվ սա կատարվեց այն ժամանակ, երբ մենք այնքան  թուլացանք, որովհետև մենք էինք այդ հենարանը տարածաշրջանում ՌԴ-ի համար և մեր թուլանալու պատճառով այս տարածաշրջանում սկսեց պրոցես՝ ավելի ամրացնելու Ռուաստանի ներկայությունը: Այս մասին մամուլի ասուլիսում ասաց ՀՀ երկրորդ նախագահ Ռոբերտ Քոչարյանը:

«Հնարավոր է՝ այսօր այդ տարամադրությունները գեներացնել Հայաստանում և դրա համար ասեցի, որ այդ տրամադրությունների պուլտը Ալիևի ձեռքում է: Ամիսը մեկ հարձակում, կորուստները և ամիսը մեկ ՀՀ իշխանությունները դիմում են Ռուսաստանին, ՀԱՊԿ-ին և հակառուսականությունը Հայաստանում շատ լուրջ արմատներ է գցելու ինչը մեզ լավ տեղ չի տանելու հաստատ: Աշխարհը փոխվելու է, շատ բան է փոխվելու, այնուամենայնիվ ՌԴ-ն մնալու է մեր ռազմավարական գործընկերը»,-ասաց նա: