Ստամբուլի կոնվենցիայից Թուրքիայի դուրս գալը ապօրինի է. Թուրքիայի գլխավոր դատախազություն

Թուրքիայի բարձրագույն վարչական դատարանի Պետխորհրդի դատախազը պահանջել է չեղյալ համարել նախագահի հրամանագիրը, համաձայն որի՝ երկիրը անցյալ տարի դուրս է եկել Ստամբուլի կոնվենցիայից։

Դատախազը «վերջնական կարծիքը» ներկայացրել է Պետխորհրդի 10-րդ պալատում ապրիլի 28-ին կայացած նիստի ժամանակ։ Սպասվում է, որ Գերագույն վարչական դատարանը գործի վերաբերյալ իր որոշումը կկայացնի մեկ ամսվա ընթացքում։ 

Նախագահի որոշումը՝ դուրս գալ կոնվենցիայից, հրապարակվել է 2021 թվականի մարտի 20-ին Պաշտոնական տեղեկագրում։ Ի պատասխան՝ կանանց կազմակերպությունները, քաղաքական գործիչները և փաստաբանների ասոցիացիաները 10 գործով ավելի քան 200 դիմում են ներկայացրել Պետական խորհուրդ՝ պահանջելով չեղյալ համարել նախագահի համապատասխան հրամանագիրը։

Գործի լսումը տեղի ունեցավ ապրիլի 28-ին, որին ներկա էին մի քանի փաստաբաններ, որոնք ներկայացնում էին բազմաթիվ փաստաբանական միություններ ամբողջ Թուրքիայից: