Նիկոլը 5 հազար քաղաքացիների մահն անվանեց «հանուն ոչնչի». Աննա Մկրտչյան

Ոչ մի ձևաչափ, ոչ մի հանդիպում չի կարող լինել հայանպաստ, եթե այնտեղ չկա Հայաստանի ներկայացուցիչ և Հայաստանի շահ պաշտպանող․ Ազատության հրապարակում լրագրողների հետ զրույցում ասաց «Պատիվ ունեմ» խմբակցության պատգամավոր Աննա Մկրտչյանը:

«Ես այս վստահությունն ունեմ ամեն հաջորդ հայտարարությունը լսելուց հետ՝ Նիկոլի մասնակցությամբ և  ստորագրությամբ: Այնտեղ, որտեղ նա է, ես համարում եմ, որ Հայաստանի համար կորսված շանսեր են՝ նվազագույնը, իսկ վատագույնը՝ Հայաստանի դեմ ընդունված ակտեր, որովհետև մարդ կարողանում է Ալիևի մեռած թեզերը հետ բերել, միջազգային հանրության սեղանին դնել, երբ 30 տարի Հայաստանի դիվանագիտությունն ուղղակի չեզոքացրել է դրանք»,- ասաց պատգամավորը: