Արցախում թուրք-ադրբեջանական վայրագությունների դեմ աչք փակած՝ Հաագայի դատարանի քննիչները մեկնել են Ուկրաինա

Հաագայի միջազգային տրիբունալի (ICC) մի խումբ քննիչներ մեկնել են Ուկրաինա՝ քննելու Ռուսաստանի դեմ խմբակային միջազգային հայցը, որը մեղադրվում է հնարավոր ռազմական հանցագործությունների մեջ։ Այս մասին հայտնում է BBC-ն։

Պատասխանելով լրագրողների հարցերին՝ Հաագայի տրիբունալի գլխավոր դատախազ Քարիմ Խանը հասկացրել է, որ ռուսական կողմի գործողությունները գտնվում են ICC իրավասության ներքո։

«Ցանկացած կողմ, որն ուղղակիորեն թիրախավորում է քաղաքացիական բնակչությանը և քաղաքացիական օբյեկտները, հանցագործություն է գործում, ինչպես սահմանված է Միջազգային քրեական դատարանի՝ Հռոմի կանոնադրությամբ և միջազգային մարդասիրական իրավունքով»,- ասել է Խանը:

Արդարադատության միջազգային դատարանը մարտի 7-ին և 8-ին լսումներ կանցկացնի՝ կապված Ուկրաինա ռուսական ներխուժման հետ։