Քոչարյանն ու Սարգսյանը փաստացի հետապնդվում են Ալիևի ու Նիկոլի կողմից. Լևոն Քոչարյան

Ադրբեջանն այսօր հայտարարեց, որ քրեական գործ է հարուցել և հետախուզում հայտարարել Ռոբերտ Քոչարյանի և Սերժ Սարգսյանի նկատմամբ: Փաստորեն, էս մարդիկ հետապնդվում են զուգահեռ Ալիևի և Նիկոլի կողմից. իր տելեգրամյան ալիքում նշել է Լևոն Քոչարյանը:

«Չեմ հասկանում ինչի՞ ուղղակի չեն դիմում Հայաստանի դատախազությանը, համոզված եմ, որ 2 դատախազները իրանց ղեկավարի հետ մեծ հաճույքով կպաշտպանեն էդ մեղադրանքը դատարանում, դե տիկին դատավորն էլ խնդիր իհարկե չի տեսնի»,- հայտարարել է Քոչարյանը:

Հիշեցնենք, որ Ադրբեջանի զինվորական դատախազության հատուկ քննչական բաժնի ղեկավար, արդարադատության ավագ խորհրդական Էմիլ Թաղիևը այսօր հայտարարել էր, որ ՀՀ երկրորդ և երրորդ նախագահների նկատմամբ հետախուզում է հայտարարվել:

Արցախյան առաջին պատերազմի երկու հերոսների նկատմամբ, բացի ադրբեջանցիներից, ատելությամբ է լցված նաև ՀՀ-ում ադրբեջանական շահերի ջատագով Նիկոլ Փաշինյանն ու իր իշխանությունը: