Օլիգարխներն ու գործարարները լքում են Ուկրաինան

Նախօրեին Կիևից մոտ քսան չարտերային չվերթ և մասնավոր ինքնաթիռ է օդ բարձրացել. գրում է «Ուկրաինսկայա պրավդան»։

Ըստ հրապարակման՝ փետրվարի 13-ին Անդրեյ Ստավնիցերը (49-րդ տեղ Forbes-ի 100 ամենահարուստ ուկրաինացիների ցուցակում), Վադիմ Նեստերենկոն (96-րդ տեղ), մեկ օր առաջ՝ Վադիմ Ստոլարը (64-րդ տեղ) և Վասիլի Խմելնիցկին (29-րդ տեղ) լքել են երկիրը:

«50 հոգու համար նախատեսված մասնավոր չվերթ պատվիրել է նաև «Հանուն Կյանքի ընդդիմադիր պլատֆորմի» պատգամավոր, միլիոնատեր Իգոր Աբրամովիչը։ Ենթադրվում է, որ այս ինքնաթիռը Կիևից Վիեննա կտեղափոխի կուսակիցների հարազատներին, ինչպես նաև Աբրամովիչի բիզնես գործընկերներին»,– գրում է թերթը։

Հունվարի վերջին Ուկրաինայից հեռացել են Ռինատ Ախմետովը (առաջին տեղ Forbes-ի ցուցակում) և Վիկտոր Պինչուկը (երկրորդ տեղ)։