Գործարարները դժգոհ են

Արմավիրի մարզում տեղի ունեցած կարկտահարությունն իսկական պատուհաս է դարձել ոչ միայն գյուղացիների, այլև Հայաստանում շատերի համար: Ինչպես տեղեկացնում են «Ժողովուրդ»-ի աղբյուրները, այս օրերին մի շարք գործարարների Սերժ Սարգսյանի անունից ստիպել են կարկտահարությունից տուժածների հիմնադրամին գումար փոխանցել:

Ընդ որում, այդ պահանջը վերաբերում է ոչ միայն երևանաբնակ կամ Արմավիրի մարզի, այլև ՀՀ մյուս մարզերի գործարարներին: Բացի այդ, վճարումներ կատարողների ցուցակները գյուղատնտեսության նախարար Սերգո Կարապետյանի ձեռամբ և ՕԵԿ առաջնորդ Արթուր Բաղդասարյանի միջոցով ներկայացվում են անձամբ Սերժ Սարգսյանին:

«Ժողովուրդ»-ի տեղեկություններով՝ գործարարներից շատերն իրենց շրջապատում սկսել են դժգոհել, որ իրենք իշխանություններին ավելի շատ գումար են վճարում, քան հենց ՀՀ պետական բյուջե: