Իրանի նավթի արտահանումը հասնում է օրական 1 միլիոն բարելի. Reuters

Երեք տարվա ընթացքում առաջին անգամ Իրանի հում նավթի արտահանումը գերազանցել է օրական 1 մլն բարելը. հաղորդում է Reuters-ը։

Reuters-ը, հինգշաբթի հաղորդելով, որ Իրանը մեծացնում է նավթի արտահանումը, չնայած ԱՄՆ պատժամիջոցներին, հավելել է. «Նավթի արտահանման և ներմուծման մոնիտորինգ իրականացնող ընկերությունները հայտարարել են, որ Իրանի նավթի արտահանման մեծ մասը գնում է Չինաստան»:

Ըստ Reuters-ի՝ «Պեկինը խնդրել է ԱՄՆ-ին՝ չեղարկել Իրանի դեմ բոլոր պատժամիջոցները՝ ասելով, որ դեմ է այդ պատժամիջոցներին»: 

Petro-Logistics լցանավերի խորհրդատվական ընկերությունը հայտարարել է, որ Իրանի հում նավթի արտահանումը 2021 թվականի դեկտեմբերին գերազանցել է օրական 1 միլիոն բարելը՝ արտահանման ամենաբարձր մակարդակը վերջին երեք տարիներին։ 2022 թվականի հունվարին, սակայն, իրանական նավթի արտահանումը նվազել է մինչև օրական մոտ 700 000 բարել: