Ռուսական նավթի գինը հակառեկորդ է սահմանել՝ հասնելով մեկ բարելի դիմաց 10,5 դոլարի

Ռուսական «Ուրալ» նավթի գինը մեկ բարելի դիմաց ընկել է այնքան, որ հասել է 11 դոլարից էլ ցածր արժեքի՝ 10,5 ԱՄՆ դոլարի:Այս գներով բյուջեն գործնականում նավթի հարկերից այլևս եկամուտ չի ստանում, և ընկերությունների համար ձեռնտու չէ, որ Եվրոպայում նավթ վաճառեն. հայտնում է Yerkir.am-ը՝ ՌԲԿ-ին հղումով։

Նշվում է՝ հյուսիս-արևմտյան Եվրոպայում  «ուրալ» նավթի գինը cif պայմաններով (այն է՝ արժեք, ապահովագրություն և բեռնափոխադրումներ, իսկ վերջնական գինը ներառում է բեռնափոխադրման արժեքը դեպի նշանակման նավահանգիստ և բեռների ապահովագրություն, որը վճարում է վաճառողը) Ռոտերդամում ապրիլի 1-ին ընկել է ՝ մեկ բարելի դիմաց հասնելով 10.54 դոլարի՝ վերջին օրերին նոր հակառեկորդ սահմանելով, քանի որ 1999 թվականից ի վեր սա նվազագույն մակարդակն է:

Ինչ վերաբերում է «Brent» տեսակի նավթի գնին՝ ապա այս դեպքում այն շարունակում է մնալ անփոփոխ՝`մեկ բարելի դիմաց հասնելով 4,75 դոլարի: Սա նվազագույն գինն է 2008 թվականի հունիսից ի վեր: