Փոխարժեքներ 22 11 2024
USD	⚊	$ 389.45
EUR	⚊	€ 409.74
RUB	⚊	₽ 3.86
GBP	⚊	£ 491.95
GEL	⚊	₾ 142.08

կարևոր

Ինչ պայմանով հայերը կարող են վերադառնալ Արցախ․ Հաջիև
26 րոպե առաջ Տարածաշրջան
Արմենուհի Հարությունյանն ազատվել է փոխնախարարի պաշտոնից
33 րոպե առաջ Հասարակություն
Նիկոլը, Էրդողանն ու Ալիևը միասին տանգո են պարում, որի պատճառով ՀՀ-ն վիլայեթացվում է․ Շարմազանով
37 րոպե առաջ Քաղաքական
Այսուհետ Հայաստանը և Չինաստանը ավելի լայն գործառույթներ կիրականացնեն․ Մարիամ Մանուկյան
41 րոպե առաջ Հասարակություն
Արդարացվեց Սրբազան շարժման օրերին հետապնդման ենթարկված ևս երկու մասնակից. փաստաբան
4 ժամ առաջ Իրավական
ՀԲԸՄ֊ի «Կարիերայի նոր հնարավորություններ և հեռանկարներ» խորագրով տոնավաճառը
5 ժամ առաջ Հասարակություն
Մեդվեդևը հրապարակել է «Օրեշնիկ» հրթիռային համակարգ հարվածի տեսանյութը
5 ժամ առաջ Տարածաշրջան
ՔՊ կուսակցությանը նվիրատվություն կատարած ընկերությունը տուգանվում է նվիրած գումարի չափով․ «Ժողովուրդ»
5 ժամ առաջ Հասարակություն
Աղազարյանը վատ դրության մեջ է դրել ՔՊ-ին. համարձակ հերոս է խաղում․ «Ժողովուրդ»
6 ժամ առաջ Հասարակություն
Սիմիդյանի նախարարությունը չի կարողացել ապահովել Սևանա լճի հետ կապված աշխատանքների կազմակերպումը․ «Ժողովուրդ»
6 ժամ առաջ Հասարակություն

0 դիտում,

2 տարի առաջ - 2022-01-15 09:35

Քաղաքական

Արցախը մեզ խանգարում էր համաշխարհային շուկա դուրս գալուն. ի՞նչ է բացահայտել Փաշինյանի բանագնացը

Այսօր երեկոյան մի հետաքրքիր ու տարօրինակ հանդիպում ունեցա․․․ Նիկոլ Փաշինյանի մի բանագնացի հետ։ Իհարկե, վերջինս շարունակ պնդում էր, որ վարչապետը տեղյակ չէ իր հանդիպման մասին, բայց չէր էլ թաքցնում, որ ինձ է փոխանցում Փաշինյանի կարծիքը։

Տվյալ անձը ինձ համոզում էր, որ 2007-ի իմ ճանաչած Նիկոլ Փաշինյանը և 2022-ի Նիկոլ Փաշինյանը տարբեր մարդիկ են։ Ասացի, որ պարզ է, այն ժամանակ ամեն գնով ձգտում էր իշխանության, հիմա ամեն գնով ձգտում է պահել իշխանությունը։

Ինձ փորձում էր համոզել, որ 2020-ի 44-օրյա պատերազմի ժամանակ տեղի ունեցած կասկածելի (ինձ համար անկասկած) իրողությունները եղել են Փաշինյանի միամտության և խաբվելու հետևանքով, իսկ հիմա նա ավելի փորձառու է և գիտի, թե Ադրբեջանի հետ ինչպես պետք է խոսի։ Այլ կերպ ասած՝ իմ պնդումները և փաստերը չէր բացառում, բայց համոզում էր, որ Փաշինյանի այդ քայլերը եղել են նախկին իշխանությունների վարած սխալ դիվանագիտական աշխատանքի հետևանքով։

Հարցնում եմ՝ 2020-ին Ադրբեջանի և Թուրքիայի հետ գործարք եղե՞լ է։ Ասում է՝ քաղաքականությունը հնարավորի արվեստ է։ Պետք է կարողանալ ճիշտ մանևրել աշխարհաքաղաքական իրավիճակներում։

Հարցնում եմ՝ Շուշիի հանձնումը պլանավորված ու պայմանավորվա՞ծ էր։ Ասում է՝ դու ինձնից լավ գիտես։ Բայց Նիկոլը մեղավոր չէր։

Հարցնում եմ՝ ո՞վ էր մեղավոր, ո՞վ էր հանձնողը՝ Քոչարյա՞նը, Սարգսյա՞նը, Տեր-Պետրոսյա՞նը, Օնիկ Գասպարյա՞նը, ո՞վ։ Անուն տվեք։ Ասում է՝ գիտեմ, որ շատ կապեր ունես ու շատ փաստեր կան ձեռքիդ տակ, քեզ պրիմիտիվ բառերով չեմ խաբի։ Մեղավորը ստեղծված աշխարհաքաղաքական իրավիճակն էր, որտեղ ով էլ լիներ, պիտի համաձայներ դրան։

Հարցնում եմ՝ ո՞վ է աշխարհաքաղաքական առաջարկ արել՝ Ռուսաստա՞նը, ԱՄՆ-ն, Եվրոպա՞ն, Չինաստա՞նը, գուցե Թուրքիա՞ն։ Ասում է՝ Արցախը մեզ խանգարում էր համաշխարհային շուկա դուրս գալուն, տարածքներ կան, որոնք օգտագործման համար անպետք են, հետևաբար պետք է ավելի իրատես լինել ու հայրենասեր չխաղալ։

Հարցնում եմ՝ այսինքն ամեն դեպքում պայմանավորվել եք Արցախի գնով դուրս գալ համաշխարհային շուկա։ Ի՞նչ եք վաճառելու այդ շուկայում, որ Արցախի մեր պատմական հողերից ավելի թանկ է։ Ասում է՝ ես այդպիսի բան չասացի։ Դու պետք է հասկանաս, որ Նիկոլը մեղավոր չէր, որ նա երկիր շատ փող կբերի, և դու էլ դրանով լավ կապրես, և նա քեզ դա կապացուցի։

Խոստացա մինչև վերջ լսել Փաշինյանի ապացույցները իր անմեղության մասին։ Սա 2020-ի պատերազմից հետո վարչապետի հետ միջնորդավորված շփման երկրորդ դեպքն էր։

Նաիրի Հոխիկյան

Լրագրող, Մեդիափորձագետ