Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 2 տարի առաջ - 2022-01-14 23:51
Հասարակություն

Ժլատ տեղեկությունների և հանդիպման տևողության՝ 1.5 ժամի հանգամանքները կարծես իրար չեն բռնում. դիտարկում բանագնացների հանդիպման մասին

Ժլատ տեղեկությունների և հանդիպման տևողության՝ 1.5 ժամի հանգամանքները կարծես իրար չեն բռնում. դիտարկում բանագնացների հանդիպման մասին
Ռուբինյան-Քըլըչ 1.5 ժամանոց հանդիպման մասին:
 
Հայաստանի և Թուրքիայի միջև հարաբերությունների «նորմալացման» գործընթացի շրջանակներում այսօր տեղի է ունեցել ՀՀ և Թուրքիայի բանագնացներ Ռուբեն Ռուբինյանի ու Սերդար Քըլըչի առաջին հանդիպումը: Հայաստանի ու Թուրքիայի ԱԳ նախարարությունների մամլո հաղորդագրությունները նույնական կամ գրեթե նույնական են. հանդիպումն անցել է կառուցողական մթնոլորտում, պայմանավորվել են էլի հանդիպել: Չափազանց ժլատ այս տեղեկությունների և հանդիպման տևողության՝ 1.5 ժամի հանգամանքները կարծես իրար չեն բռնում:
 
Սակայն ռուսական թելեգրամյան ալիքներից մեկի փոխանցմամբ հանդիպմանը քննարկվել է «երկարատև թշնամանքից հետո կապերի վերականգնման ՃԱՆԱՊԱՐՀԱՅԻՆ ՔԱՐՏԵԶԸ»: Իսկապես, մեկուկես ժամանոց հանդիպումը դժվար թե զուտ ճանաչողական լիներ, ինչպես ներկայացվել է հանրությանը, և շատ տրամաբանական է, որ առկա լինի ճանապարհային քարտեզ՝ դրված 1.5 ժամանոց հանդիպման քննարկման հիմքում: Իսկ թե ո՛վ է այն մշակել, ինչ սկզբունքներ են ամրագրված այնտեղ, մեր «ժողովրդավար» ու «ժողովրդական» իշխանությունները գաղտնի են պահելու:
 
Նույն աղբյուրը տեղեկացնում է նաև, որ թուրքական կողմը հայտարարել է, որ ուզում է բանակցությունները շարունակել երկկողմ ձևաչափով, առանց երրորդ կողմի միջնորդության:
 
Թե ի՛նչ դիրքորոշում ունի հայկական կողմը բանակցությունների հետագա ձևաչափի մասին, դա էլ է անհայտ դեռևս:
 
Բազմաթիվ հարցականներ կան.
 
- Գործող իշխանությունները ևս ուզու՞մ են թուրքերի հետ տետատետ խոսել, առանց Ռուսաստանի միջնորդության:
 
- Ցեղասպանության ճանաչման պահանջից հրաժարվելու խոսույթ առկա՞ է շփումներում կամ ենթադրյալ ճանապարհային քարտեզի մեջ:
 
- Արցախը ներառյալ Ադրբեջանի տարածքային ամբողջականության ճանաչման խոսույթ առկա՞ է շփումներում կամ ենթադրյալ ճանապարհային քարտեզի մեջ:
 
Գործող իշխանությունների հանդեպ մինուս անվերջության ձգտող վստահության պարագայում տագնապս ու մտավախությունս շատ են, որոնց հիմքերից մեկն էլ այն է, որ այս բանակցությունները հայկական կողմից վարում է ոչ թե պրոֆեսիոնալ կադրային դիվանագետ պաշտոնյան, ով իր մեջ կխտացներ մեր ազգային-պետական շահը, այլ կամակատար մի անձնավորություն, ով, անշուշտ, կիսելու է թե՛ Արցախից, թե՛ Ցեղասպանության պահանջից հրաժարվելու և «հանգիստ ապրելու» փաշինյանական մերկանտիլ համոզմունքը:
 
Մենուա Սողոմոնյան
 
ԵՊՀ դասախոս,

«5165 ազգային պահպանողական շարժում» կուսակցության անդամ 
 
 
բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը