ՆԱՏՕ-ն մտադիր չէ հետ շպրտվել մինչև 1997թ. սահմանները և հրաժարվել ընդլայնման քաղաքականությունից. Դաշինքում ԱՄՆ մշտական ​​ներկայացուցիչ

Հյուսիսատլանտյան դաշինքը չի պատրաստվում հետ գնալ ժամանակի մեջ և հետ շպրտվել մինչև 1997 թվականի սահմանները. ըստ ՏԱՍՍ-ի՝ ասել է կազմակերպությունում ԱՄՆ դեսպան Ջուլիանա Սմիթը։

Մշտական ներկայացուցիչն այսպես է մեկնաբանել ՌԴ փոխարտգործնախարար Սերգեյ Ռյաբկովի խոսքերը, որը ՆԱՏՕ-ին առաջարկել է հետ գնալ դեպի 1997թ. սահմանները: Սմիթը նաև ասել է, որ դաշինքը չի վերանայելու նոր անդամներ ընդունելու՝ իր քաղաքականությունը։

«Երբ մենք սեղանի շուրջը խոսում ենք դաշնակիցների հետ, բոլորի համար պարզ է դառնում, որ  Դաշինքը մտադիր չէ հետ տալ ժամանակը դեպի բոլորովին այլ դարաշրջան, բոլորովին այլ դաշինք, որն ավելի փոքր էր և շատ ավելի փոքր հետք էր թողել պատմության մեջ։ Մենք պետք է համապատասխանենք ժամանակակից աշխարհին»,- ասել է Սմիթը Բրյուսելում կայացած հեռախոսային ճեպազրույցում: