ՀՅԴ Պատանեկանի Համահայկական Խորհրդաժողով

ՀՅԴ Բիւրոյի Երիտասարդական խորհուրդի եւ Երիտասարդական Գրասենեակի Պատանեկան յանձնախումբի նախաձեռնութեամբ Դեկտեմբեր 22-ին տեղի ունեցաւ ՀՅԴ պատանիներու առցանց խորհրդաժողով, որ առաջինն էր իր տեսակով:

16 երկիրներէ, 33 պատանիներ իրենց վարիչ/դաստիարակներուն հետ միասին համախմաբուեցան, ծանօթութիւն հաստատեցին, սորվեցան Դաշնակացութեան Պատանեկան Միութիւններու ստեղծման եւ նպատակին մասին:

Պատանիները արտայայտուեցան իրենց անդամակցութեան եւ փորձառութեան մասին, եւ միասնաբար հաստատեցին որ Պատանեկան Միութիւնները հայ պատանիին՝ հայեցի դաստիարակութեան, ընկերային կեանքին եւ գաղափարական մտաշխարհի զարգացման կեդրոններ են հայրենիքէն ներս եւ մանաւանդ Սփիւռքի մէջ:

Խորհրդաժողովի աւարտին ընկերները ներկայացուցին առաջարկներ յառաջիկայ գործունէութիւններու հեռանկարով, միասինաբար աշխատելու հայրենիքին համար, (Հայաստան եւ Արցախ), սերտացնելու համար կապեր եւ ձեռք բերելու նոր գիտելիքներ ու ընկերներ:

ՀՅԴ Պատանեկանի ընտանիքին անունով կը շնորհաւորենք ձեր գալիք Նոր Տարին եւ Ս. Ծնունդը: