ԱՄՆ պետքարտուղարը չգիտի, թե ով է ՀՀ ԱԳՆ ղեկավարը

Այսօր ԱՄՆ պետքարտուղար Էնթոնի Բլինքենն իր թվիթերյան էջում գրառում է արել, որում ողջունել և ԱՄՆ-ի աջակցությունն է հայտնել հայ-թուրքական հարաբերությունները կարգավորելու  նպատակով Երևանի և Անկարայի` հատուկ բանագնացներ նշանակելու որոշմանը:

Ուշագրավ է, որ գրառման մեջ Բլինքենը նշել էր Թուրքիայի ԱԳՆ ղեկավար Մևլյութ Չավուշօղլուին և ՀՀ ԱԳՆ-ին, այլ ոչ թե ՀՀ ԱԳՆ ղեկավար Արարատ Միրզոյանին:

«Մենք ողջունում ու մեր աջակցությունն ենք հայտնում Թուրքիայի արտգործնախարար Մևլյութ Չավուշօղլուի և ՀՀ ԱԳՆ-ի որոշումները` հարաբերությունները կարգավորելու համար հատուկ բանագնաց նշանակելու կապակցությամբ», - բառացի նշված է գրառման մեջ:

Հավանաբար, ԱՄՆ պետքարտուղարը, ինչպեսև ՀՀ բազմաթիվ քաղաքացիներ չեն հասցնում մտապահել ԱԳՆ ղեկավարի անունը, քանի որ շատ արագ մի նախարարին  մյուսն է փոխարինում: