Իրանցիները պետք է խուսափեն Թուրքիա մեկնելուց, այնտեղ անբարոյականություն է տիրում. իրանցի պաշտոնյա

Իրանի Փորձագիտական խորհրդի անդամ, Քաեմշահր քաղաքում Ալի Խամենեիի ներկայացուցիչ Ալի Մուալիմին իր ելույթում կոչ է արել երկրում աղոթքը պարտադիր դարձնել բոլորի համար. հայտնում է Asriran գործակալությունը։

Անդրադառնալով դոլարի գների բարձրացմանն ու երկրի բնակչության՝ հարեւան Թուրքիա մեկնելուն՝ Փորձագիտական խորհրդի անդամը Թուրքիային մեղադրել է «անբարոյականության մեջ»։

«Ես կարծում եմ, որ իրանցիները պետք է խուսափեն որոշ երկրներ ճանապարհորդելուց, այդ թվում՝ Թուրքիա, Անթալիա, որտեղ տիրում է անբարոյականությունը։ Կարծում եմ, որ եթե արգելք սահմանվի Իրանի քաղաքացիների` Թուրքիա մեկնելու համար, դոլարի փոխարժեքի նման բարձրացում չի լինի»,- ասել է Մուալիմին։