Մեկ օրում բացահայտվել է 49 հանցագործություն, 2-ը՝ նախկինում կատարված

Ըստ ոստիկանության օպերատիվ հաղորդագրությունների ամփոփագրերի` դեկտեմբերի 7-ից 8-ը Հայաստանի Հանրապետության ոստիկանության ստորաբաժանումները բացահայտել են հանցագործության 49 դեպք, որից 2-ը՝ նախկինում կատարված։

Մասնավորապես՝ մարմնական վնասվածք պատճառելու՝ 10, անձնական ունեցվածքի գողության՝ 8, խարդախության՝ 6, թմրամիջոցի հայտնաբերման՝ 5, ընտանեկան բռնության՝ 4, ընտրությանը մասնակցող անձանց լիազորությունների իրականացմանը խոչընդոտելու՝ 2, սպանության փորձի, պետական-հասարակական ունեցվածքի գողության, յուրացնելու կամ վատնելու, գույքը դիտավորությամբ վնասելու, հարկերից խուսափելու, խուլիգանության, ապօրինի ծառահատման, պաշտոնեական կեղծիքի կամ անփութության, ընտրական իրավունքի խախտման, ընտրակաշառք տալու, ազատությունից ապօրինի զրկելու և բռնաբարության սպառնալիքի ու անձնական կյանքի մասին տեղեկություններ ապօրինի տարածելու՝ 1-ական դեպք։

Հայտնաբերվել է 6 հետախուզվող։ Կամավոր ներկայացել է 8 հետախուզվող։

Նախկինում կատարված հանցագործություններից բացահայտվել է անձնական ունեցվածքի գողության և մարմնական վնասվածք պատճառելու 1-ական դեպք։

Անցած 1 օրվա ընթացքում հանրապետությունում արձանագրվել է ճանապարհատրանսպորտային 12 պատահար. 14 մարդ ստացել է տարբեր աստիճանի մարմնական վնասվածքներ: