ՏԵՍԱՆՅՈՒԹ․ Հայ դատ է լինելու, լինելու է Շուշիում և դատվելու են իրենք, պետք է ուղղակի չթողնենք, որ այդ դրածոներին սատկացնեն․ Արշակ Զաքարյան

Հուսով ենք գործողություններ կսկսվեն, որպեսզի արագ ձերբազատվենք այս ապիկար ռեժիմից՝ Yerkir.am-ի հետ հարցազրույցում ասաց «Հայոց ազգային գվարդիա» ՀԿ ղեկավար, կինոռեժիսոր, սցենարիստ, հասարակական գործիչ Արշակն Զաքարյանը, որն Ազատության հրապարակում մասնակցում է «Հայաստան» դաշինքի կազմակերպած դիմադրության հանրահավաքին։

Նա նշեց, որ իրենց մտահոգությունները առաջիկա եռակողմ հանդիպումից չեն, այլ դեռևս 2018 թ-ից են, երբ իրենք ասել են՝ ինչ է լինելու և դա հերթով լինում է։

«Կարծում եմ, այս ռեժիմին պահելու են այնքան, մինչև ինչ որոշվել է դուրսը՝ ի կատար ածեն, հետո իրենց ձեռքով էլ կվերացնեն իրենց դրածոներին։ Բայց մենք պետք է մի բան անենք, որ դրան չհասնի։ Փաշինյանին բերողները իրենց նպատակին հասնելու են ու սատկացնեն, բայց մենք պիտի ամեն ինչ անենք, որ դա տեղի չունենա և կանգնեն դատի առաջ և պատասխան տան այն ամենի համար, ինչ բերեցին հայրենիքիս, երկրիս և ազգիս գլխին»,-ասաց Արշակ Զաքարյանը։

Նա նկատեց, որ հիմա իրենց արածների համար ուրիշներին են դատում, բայց Հայ դատ է լինելու, լինելու է Շուշիում և դատվելու են իրենք․ «Պետք է ուղղակի չթողնել, որ այդ դրածոներին սատկացնեն»։  

Ամբողջական հարցազրույցը՝ տեսանյութով․