Ռուսաստանը պատժել է ԱՄՆ նախագահ Ջո Բայդենին. Washington Examiner

Ռուսաստանը պատժել է ԱՄՆ նախագահ Ջո Բայդենին «էներգետիկ շանտաժի քաղաքականության» համար և դրանով իսկ ապացուցել աշխարհին, թե որքան թույլ է Վաշինգտոնը: Այս կարծիքն է հայտնել Washington Examiner-ի սյունակագիր Թոմ Ռոգանը. հայտնում է gazeta.ru կայքը։

Նրա խոսքով` Մոսկվան, իբր, ներգրավված է Եվրոպայում գազի գնի ռեկորդային բարձրացման մեջ: Ռոգանը վստահ է, որ դա կարող է ազդել Բայդենի գործողությունների վրա, որն «անհետևողական քաղաքականություն» է վարում Ռուսաստանի նկատմամբ:

Դա, ըստ լրագրողի, կարող է նաև դառնալ «հրաժեշտի նվեր» Գերմանիայի կանցլեր Անգելա Մերկելի համար: Մերկելն ակտիվորեն պաշտպանում էր Մոսկվայի և Բեռլինի համագործակցությունը ռուսական «Հյուսիսային հոսք-2» գազատարի շինարարության ընթացքում: Հրապարակախոսն իր հոդվածում եվրոպացի առաջնորդի քաղաքականությունն անվանում է «թուլություն, որը Ռուսաստանը գնահատում է»:

«Սա ազդանշան է Բայդենին: Ռուսները ցանկանում են, որ Վաշինգտոնը թույլ տեսք ունենա, իսկ եվրոպացիներն իրենց կախյալ զգան Մոսկվայից»,- գրել է Ռոգանը: