Զելենսկին խնդրել է Բայդենին` ճանաչել Ռուսաստանը որպես ահաբեկչության հովանավոր

Ուկրաինայի նախագահ Վլադիմիր Զելենսկին կոչ է արել ԱՄՆ նախագահ Ջո Բայդենին, որպեսզի Միացյալ Նահանգները Ռուսաստանը ճանաչի որպես ահաբեկչության հովանավոր պետություն։ Սա ԱՄՆ զինանոցի ամենահզոր ու հեռատես պատժամիջոցներից է։ Այս մասին հայտնում է The Washington Post-ը։

Զելենսկիի դիմումը հնչել է Բայդենի հետ վերջին հեռախոսազրույցի ժամանակ, որի թեման վերաբերում էր Արևմուտքի բազմակողմանի արձագանքին Ռուսաստանի ներխուժմանը Ուկրաինա: Բայդենն իր ուկրաինացի գործընկերոջն ասել է, որ պատրաստ է դիտարկել Մոսկվայի վրա ճնշումը մեծացնելու մի շարք առաջարկներ։

Նման որոշումը կարող է ունենալ մի շարք հետևանքներ, այդ թվում՝ տնտեսական պատժամիջոցների կիրառում տասնյակ այլ երկրների նկատմամբ, որոնք շարունակում են բիզնես վարել Ռուսաստանի հետ, Մոսկվայի ակտիվների սառեցում ԱՄՆ-ում, այդ թվում՝ անշարժ գույք, և մի շարք ապրանքների արգելում։