Աննա Հակոբյանը մասնակցել է մարզադահլիճի բացմանը, որը արդեն բացվել է ապրիլի 26-ին «Չոբան Մելո»-ի կողմից. Հայրապետյան

Վարչապետի պաշտոնակատար Նիկոլ Փաշինյանի տիկին Աննա Հակոբյանը մասնակցել է մարզադահլիճի բացմանը, որը արդեն բացվել է ապրիլի 26-ին «Չոբան Մելո»-ի կողմից։ Այս մասին ֆեյսբուքյան իր էջում գրել է իրավաբան Ռոբերտ Հայրապետյանը։

«Կամ իշխանական ամնեզիան է խորացել , կամ Էրատո ջոկատի հրամանատարը գովազդի պակաս ունի։

ՀՀ վարչապետի հակասահմանադրական ԺՊ-ի տիկինը քիչ առաջ հրապարակել է լուսանկարներ, որտեղ լայնեզր ժպիտով մասնակցում է այն դպրոցի մարզադահլիճի բացմանը, որն արդեն հանդիսավոր կերպով բացվել է ապրիլի 26-ին «Չոբան Մելո»-ի կողմից։

Ես վստահ եմ, որ դեռ առիթ կլինի կրկին անդրադառնալ այս մարզադահլիճին, որովհետեւ քարոզարշավի ընթացքում  երկրի ԺՊ-ն նույնպես այն հանդիսավոր կերպով կբացի։

Հ. Գ.  Հույս ունեմ, որ մարզպետարանի էջը վարող պատասխանատուն, բնավորության համաձայն, մարզպետարանի էջից այդ հրապարակումը չի հեռացնի»,- գրել է Հայրապետյանը։

Նշենք՝ Աննա Հակոբյանը ֆեյսբուքյան իր էջում հայտնել է, որ այսօր ԱԺ փոխնախագահ, ԻՄ ՔԱՅԼԸ հիմնադրամի համահիմնադիր Լենա Նազարյանի հետ մասնակցել է Գորիսի Ս. Խանզադյանի անվան N6 հիմնական դպրոցի նորոգված մարզադահլիճների բացման արարողությանը: