Հայոց Ցեղասպանության զոհերի հիշատակի երթ` Ախալքալաքում

Այսօր Ախալքալաքում տեղի ունեցան Հայոց Ցեղասպանության զոհերի հիշատակին նվիրված քայլերթը եւ ջահերթը, որոնք ամեն տարի անցկացվում են Ջավախքում:

Երթի մեկնարկը տրվեց Ախալքալաքի բերդերի տարածքից՝ միասնական Տերունական աղոթքից հետո:

Երթի մասնակիցները, Արժանապատիվ Տեր Նարեկ քահանա Տիգրանյանի ուղեկցությամբ, շարժվեցին Ախալքալաքի Սուրբ Խաչ եկեղեցի: Եկեղեցու բակում` ցեղասպանության զոհերի հիշատակին կանգնեցված խաչքարի մոտ, Տեր Հայրը հանդես եկավ խոսքով: Ելույթ ունեցան նաև Ախալքալաքի պատանեկան միության սաները:

Երթի մասնակիցների պահանջը հստակ է՝ ճանաչում եւ հատուցում։ Ջավախքի  երիտասարդությունը կոչ է անում ընդունել այն  Ցեղասպանությունը, որ կատարվեց ավելի քան 100 տարի առաջ:

Ջավախք Մեդիա, Ախալքալաք, Ջավախք-Երեւան

http://javakhkmedia.com/?p=14106 » Սա կարճացված հղում է:

Պիտակներ. Ջավախք, Ցեղասպանություն